Kingdom of Cambodia - కింగ్‌డమ్ ఆఫ్ కాంబోడియా

Kingdom of Cambodia - కింగ్‌డమ్ ఆఫ్ కాంబోడియా

 ప్రపంచ వీక్షణం

చరిత్ర పుటలలో... కాంబోడియాను కింగ్‌డమ్ ఆఫ్ కాంబోడియా అని పిలుస్తారు. పూర్వం దీనిని కాంపూచియా లేదా కాంభోజ దేశం అని పిలిచేవారు. క్రీస్తుపూర్వం 6000 సంవత్సరాల క్రితం నుండే దీని ఉనికి చరిత్రలో ఉంది. క్రీస్తుశకం 700 నుండి ఖ్మేర్ రాజులు కాంబోడియాను పరిపాలించారు.

ఈ రాజవంశమే దాదాపు 13వ శతాబ్దం వరకు అధికారం చలాయించింది. 14వ శతాబ్దం నుండి కాంబోడియా పతన దిశలో నడిచింది. 18వ శతాబ్దంలో ఫ్రెంచి రాజులు కాంబోడియాను ఆక్రమించుకున్నారు. అనేక పోరాటాల తర్వాత 1953లో ఫ్రాన్స్ నుండి కాంబోడియాకు విముక్తి లభించి స్వతంత్రదేశంగా అవతరించింది.

అంకోర్‌వాట్: ఇక్కడ ఆర్కియాలజీ పార్కు చూడదగ్గది. ఇక్కడ బ్రహ్మాండమైన బౌద్ధ దేవాలయం ఉంది. బౌద్ధ భిక్షువుల సమూహాలు ఇక్కడ ఎక్కువగా దర్శనమిస్తాయి. దీనిని తప్పనిసరిగా చూడవలసిందే. ఇది సీమ్‌రీప్ నగరంలో ఉంది. ఇక్కడే అంతర్జాతీయ విమానాశ్రయం ఉంది.

ఆహారం
కాంబోడియాలో వరిధాన్యం ఎక్కువగా పండుతుంది. అన్నంలో సూపులు, నూడుల్స్, చేపలకూర, చేపల పులుసు, చేపల సూపు, పాలు, చింతపండు, అల్లం మొదలైన వాటితో ఆహార పదార్థాలు తయారుచేస్తారు. ఖ్మేర్ ప్రాంతంలో తినే వంటకాలను ‘ప్రహోక్’ అంటారు. ఇందులో చేపలతో చేసిన పేస్టు ప్రత్యేకంగా ఉంటుంది. వీరికి ఇష్టమైన పానీయం ‘అమోక్’. వీరు కొబ్బరిపాలను మనం కాఫీ తాగినట్లుగా తాగుతూ ఉంటారు.

పంటలు-పరిశ్రమలు
దేశంలో వరి, మొక్కజొన్న, అరటి, రబ్బరు, పొగాకు, జనుము, కలప ఎక్కువగా పండుతాయి. సముద్ర తీరంలో చేపలు, అడవులలో కలప బాగా లభిస్తాయి. దేశంలో వ్యవసాయ ఆధారిత పరిశ్రమలు బాగా ఉన్నాయి. చేపలను విదేశాలకు ఎగుమతి చేయడం, కలప వ్యాపారం  వీరి ముఖ్యమైన వ్యాపారాలు. ఇవేకాదు, వివిధ రకాల కూరగాయలను, ముడి రబ్బరును కూడా విదేశాలకు ఎగుమతి చేస్తూ ఉంటారు.

విహారస్థలాలు
ప్రేక్ ఆంపిల్: ఇది కాంపోట్ జిల్లాలో కోటోచ్ ప్రాంతంలో ఉంది. ఇక్కడి తెల్లటి ఇసుక సముద్రతీరంలో కనిపిస్తుంది. వేలాదిగా మాంగ్రూవ్ చెట్లు తీరమంతా నిండి ఉంటాయి.

నగరాలు - పట్టణాలు
కాంబోడియా దేశాన్ని పరిపాలనా సౌలభ్యం కోసం 25 ప్రాంతాలుగా విభజించారు. అలాగే దేశంలో 159 జిల్లాలు, 26 పురపాలక నగరాలు ఉన్నాయి. ముఖ్యమైన నగరాలలో సిసోప్రాన్, బట్టమ్‌బాంగ్, కాంపాంగ్‌బామ్, కాంపాంగ్ స్పే, కాంపాంగ్ ధామ్, కాంపోట్, టాఖ్మో, క్రాంగ్ ఖెప్, క్రాచే, సెన్మనోరమ్, సమ్‌రోంగ్, నామ్‌ఫెన్, సిహనౌక్ బెంగ్ మీంచే, పుర్సట్, ప్రేవెంగ్, బాన్‌లుంగ్, సీమ్‌రీప్, స్టంట్‌ట్రెంగ్, స్వేరీంగ్, టేకియో, సువాంగ్ ఉన్నాయి.
 
బోటమ్ సకోర్ జాతీయ పార్కు
ప్రసత్‌బేయన్‌లో బోధిసత్వుడు, అవలోకిటేశ్వరుల భారీ విగ్రహాలను దర్శించవచ్చు. అలాగే బోటమ్ సకోర్ జాతీయ పార్కు, ఇలా ఎన్నో ప్రాంతాలు చూడదగ్గవి  ఉన్నాయి.

అత్యంత పురాతనదేవాలయాలు
వేలాది సంవత్సరాల పూర్వం అప్పటి రాజులు నిర్మించిన దేవాలయాలను ఇప్పటికీ మనం చూడవచ్చు. అలాంటి వాటిలో నామ్‌ఫెన్ నగరంలో ఉన్న దేవాలయాలు, టా ఫ్రోమ్, ఇంద్రదేవాలయం... ఇలా మరెన్నో ఆలయాలు మనకు దర్శనమిస్తాయి.

చా ఓంగ్ జలపాతం
ఇది బాన్‌లాంగ్ పట్టణానికి రెండు కిలోమీటర్ల దూరంలో ఉంది. ఇక్కడ నీళ్ళు పైనుండి మూడు అంతస్థులుగా క్రిందికి జాలువారడం ఒక ప్రత్యేకత. ఈ జలపాతం నిరంతరం ప్రవహిస్తూనే ఉంటుంది. ‘ఏసేపక్‌టామక్’ అనే పర్వతం నుండి ఈ జలపాతంలోకి నీళ్ళు వస్తూ ఉంటాయి.

సంస్కృతి - సంప్రదాయాలు
కాంబోడియాలో బౌద్ధమత ప్రాచుర్యం అధికంగా ఉండడం వల్ల ఎక్కడ చూసినా బౌద్ధ సన్యాసులు దర్శనమిస్తూ ఉంటారు. గ్రామీణ ప్రాంతాలలో నివసించేవారు క్రామా అనే దుస్తులను ధరిస్తారు. భారతీయ సంస్కృతిని ప్రతిబింబించే రీతిలో ‘సామ్‌పోట్’ అనే ఒకరకమైన దుస్తులను కూడా వీరు అధికంగా ధరిస్తారు. ఎందుకంటే కాంబోడియాలో ఒకప్పుడు హిందూమతం గొప్ప ప్రాచుర్యంలో ఉండేది.

టాగ్లు: కాంబోడియా, కింగ్‌డమ్ ఆఫ్ కాంబోడియా, ఖ్మేర్ రాజు, ఆర్కియాలజీ పార్కు, Cambodia, Kingdom of Cambodia, Khmer Raju, archaeology park

The Ice Man Wim Hof - మిస్టర్ మంచు మనిషి!

Wim Hof Ice Man - మిస్టర్ మంచు మనిషి!

Wim Hof (born 20 April 1959, in Sittard, Limburg) is a Dutch world record holder, adventurer and daredevil, commonly nicknamed the Iceman for his ability to withstand extreme cold. Hof holds twenty world records including a world record for longest ice bath. He broke his previous world record by staying immersed in ice for 1 hour, 13 minutes and 48 seconds at Guinness World Records 2008.

20 గిన్నిస్ బుక్ రికార్డులు బ్రేక్ చేశాడు...
రక్తం గడ్ట కట్టే అతి శీతల వాతావరణంలో కూడా అతడు అపూర్వ విన్యాసాలు చేయగలడు. అందుకే హాలండ్‌కు చెందిన విమ్ హాప్‌ను ‘ఐస్‌మ్యాన్’ అని పిలుస్తారు. అత్యధిక సమయం పాటు ఐస్‌బాత్‌తో సహా మొత్తం 20 గిన్నిస్ వరల్డ్ రికార్డ్‌లను బ్రేక్ చేసిన ఘనత ఆయనకు దక్కింది.

మంచుముక్కలపై 52 నినిషాల 42 సెకండ్ల పాటు అతను కదలకుండా నిలుచున్నాడు. అలాగే, సబ్-జీరో టెంపరేచర్‌లో ధ్యానం చేశాడు. కేవలం ఒక జత బట్టలతో ఎవరెస్ట్ అధిరోహించడం ద్వారా ఛాలెంజింగ్ రికార్డ్‌ను సృష్టించాడు. ‘‘మంచుగడ్డలకు నేను ఎప్పుడూ భయపడలేదు. నా శరీరం ఎక్కడ తట్టుకోగలదు. ఎక్కడ తట్టుకోలేదు అనే విషయంపై నాకు స్పష్టమైన అవగాహన ఉంది’’ అంటున్నాడు హాప్.

‘‘వేడిగా ఉండండి... అంటూ నా మెదడు శరీరంలోని ఇతర బాగాలకు సందేశాలను పంపగలదు’’ అని సరదాగా అంటాడు హాప్. సరదా సంగతి ఎలా ఉన్నా మంచుకొండల్లో ఆయన విన్యానాలు చూస్తే...‘అయ్య బాబోయ్’ అనిపించక మానదు.

Read More....

The Ice Man Wim Hof - మిస్టర్ మంచు మనిషి!

TAGS (టాగ్లు) : 20 గిన్నిస్ బుక్, రికార్డులు, విన్యాసాలు, శీతల వాతావరణం, సబ్-జీరో టెంపరేచర్‌, 20 Guinness Book, Records, Acrobatics, Cold weather, Sub - Zero Temperature

Islands Country Denmark : ద్వీపాల దేశం డెన్మార్క్

Islands Country Denmark : ద్వీపాల దేశం డెన్మార్క్

నైసర్గిక స్వరూపం
రాజధాని: కోపెన్‌హగన్,  ప్రభుత్వపాలన: యునిటరీ పార్లమెంటరీ కాన్‌స్టిట్యూషనల్ మొనార్చి
కరెన్సీ: డానిష్ క్రోన్  భాషలు: డానిష్  మతం: క్రైస్తవం
ఉష్ణోగ్రతలు: ఫిబ్రవరిలో 3 డిగ్రీల సెల్సియస్, జూలైలో 14 నుండి 22 డిగ్రీల ఉష్ణోగ్రతలు.


ప్రపంచ వీక్షణం
సంస్కృతి-సంప్రదాయాలు
డెన్మార్క్ దేశంలో మహిళలు ఎక్కువగా కూలిపనులు చేస్తారు. యూరోప్ ఖండంలో లేబర్ మార్కెట్‌లో మహిళల శాతం డెన్మార్క్‌లోనే అధికం.మహిళలు తమ భర్తలను ఎంపిక చేసుకోవడానికి పూర్తి స్వేచ్ఛ ఈ దేశంలో ఉంది. అలాగే పురుషులు రెండు మూడు పెళ్ళిళ్ళు చేసుకోవడం పూర్తి నిషేధం. మహిళలు తమ పిల్లలకు ఆరునెలలు వయసురాగానే వారిని పిల్లల సంరక్షణ కేంద్రాలకు పంపించేస్తారు. ఎందుకంటే వారు పనులు చేయడానికి వెళ్ళాలి కాబట్టి.డెన్మార్క్ దేశీయులు సాధారణంగా సిల్కు, ఊలు, దుస్తులు ధరిస్తుంటారు.

ఎండాకాలం కూడా చల్లగా ఉంటుంది. కాబట్టి వీళ్ళు ఉన్ని దుస్తులు ఎక్కువగా వాడుతారు.మహిళలు సాధారణంగా మెడకు స్కార్ఫ్‌కట్టుకుంటారు. నలుపు రంగు స్కార్ఫ్ ధరించడం వీరు హుందాగా భావిస్తారు. లేసులతో, ఎంబ్రాయిడరీ చేసిన పొడవాటి లంగా ధరిస్తారు. దీనిపైన జాకెట్ ధరిస్తారు.పురుషులు మాత్రం ఊలు, తోలు దుస్తులు ఎక్కువగా ధరిస్తారు. చాలా పండుగలు, సాంస్కృతిక కార్యక్రమాలలో మహిళలు సామూహిక నృత్యాలు చేస్తారు.

దేశం-మూడు భాగాలు
డెన్మార్క్ దేశం దాదాపు 406 ద్వీపాలు, ద్వీపకల్పాలతో కూడుకొని ఉంది. ఒక్కో ద్వీపానికి వెళ్ళడానికి వివిధ ఆకారాలలో బ్రిడ్జిలు నిర్మించారు. బ్రిడ్జిలు నిర్మించ వీలు లేని ద్వీపాలకు ఫెర్రీ బోట్లమీద ప్రయాణం చేస్తారు.

దేశాన్ని ముఖ్యంగా మూడు భాగాలుగా విభజించారు.
 1. డెన్మార్క్ - దీని వైశాల్యం - 42915.7 చ.కి.మీ., జనాభా-56,27,235
 2. గ్రీన్‌లాండ్ - దీనివైశాల్యం-21,66,086 చ.కి.మీ., జనాభా-56,370
 3. ఫారో ఐల్యాండ్స్ - దీని వైశాల్యం-1399 చ.కి.మీ., జనాభా-49,709
 పరిపాలనా సౌలభ్యం కోసం దేశాన్ని ఐదు ప్రాంతీయ భాగాలుగా విభజించారు.

1. డెన్మార్క్ రాజధాని ప్రాంతం
 2. కేంద్రీయ డెన్మార్క్ ప్రాంతం
 3. ఉత్తర డెన్మార్క్ ప్రాంతం
 4. జీలాండ్ ప్రాంతం
 5. దక్షిణ డెన్మార్క్ ప్రాంతం.

పంటలు-పరిశ్రమలు
* డెన్మార్క్ దేశంలో ఇనుము, స్టీలు, రసాయన, ఫుడ్‌ప్రాసెసింగ్, యంత్రసామాగ్రి, టెక్స్‌టైల్స్, ఎలక్ట్రానిక్స్, నౌకల తయారీ, మందుల పరిశ్రమలు అనేకంగా ఉన్నాయి.
* ఇక ప్రపంచానికి క్రిస్‌మస్ ట్రీలను ఎగుమతి చేసే దేశం డెన్మార్క్. ఈ చెట్లను పెంచి, ఎగుమతి చేసే వ్యాపారంలో దాదాపు అరలక్షమంది ఉద్యోగులు ఉన్నారు.
* దేశంలో బార్లీ, బంగాళదుంపలు, గోధుమలు, చెరకు పంటలతోపాటు చేపల పెంపకం, పందుల పెంపకం, పాల ఉత్పత్తులు అధికంగా ఉన్నాయి.


ముఖ్యమైన నగరాలు
దేశంలో అయిదు రీజియన్‌లు, 98 మున్సిపాలిటీలు ఉన్నాయి. రాజధాని కోపెన్‌హగన్, ఆర్హస్, ఓరెన్స్, ఆల్‌బోర్గ్, ఫ్రెడరిక్స్ బెర్గ్, ఎస్బ్‌జెర్గ్, జెంటోఫ్టె, గ్లాడీసాక్స్, రాండర్స్, కోల్డింగ్, హర్సెన్స్, ఇంకా 45 ముఖ్యమైన నగరాలు, పట్టణాలు ఉన్నాయి.

ఆహారం:  వీరి భోజనంలో ముఖ్యంగా మాంసం, బంగాళదుంపలు, బ్రెడ్ ఉంటాయి. ప్రపంచం మొత్తంలో పందిమాంసం ఎక్కువగా తినేది డెన్మార్క్‌లోనే. వీళ్ళు ఎక్కువగా సాండ్‌విచ్, మాంసం ముక్కలు, ఉడికించిన గుడ్లు, వీటితోపాటు బీరు తప్పకుండా తీసుకుంటారు. సాధారణంగా మధ్యాహ్న భోజనాన్ని హోటళ్ళలో కానిచ్చి రాత్రి భోజనాన్ని మాత్రం ఇంటి దగ్గరే తింటారు. వీరు తినే బ్రెడ్, మాంసం కలయికను స్మోర్‌బ్రాడ్ అని అంటారు. భోజనంతోపాటు ఐస్‌క్రీమ్, పళ్ళు, పళ్ళరసాలు తీసుకోవడం వీరికి చాలా ఇష్టం.


సుదీర్ఘమైన చరిత్ర గల దేశం
* డెన్మార్క్ దేశం ఓవైపు ఉత్తర సముద్రం మరోవైపు బాల్టిక్ సముద్రం ఉన్నాయి. ఈ దేశంలో మొత్తం 406 ద్వీపాలు ఉన్నాయి. ఇందులో 89 ద్వీపాలలో మాత్రం ప్రజలు నివసిస్తున్నారు. సముద్ర మట్టానికి కేవలం 171 మీటర్ల ఎత్తులో ఉంటుంది. ఇక సముద్రతీరం
* 7300 కిలోమీటర్లు ఉంది. దీనికి 10 వేల సంవత్సరాల చరిత్ర ఉంది.
* ఇక ఈ దేశంలో ప్రపంచ ప్రసిద్ధి చెందిన రూపశిల్పులు, భవననిర్మాణ శిల్పులు ఎందరో ఉన్నారు.

చూడదగ్గ ప్రదేశాలు
కోపెన్‌హగన్: రాజధాని నగరం కోపెన్‌హగన్‌లో టివోలిగార్డెన్, ప్రీటేన్ క్రిస్టియానా, అటిల్ మర్మయిడ్, కోపెన్‌హగన్ పోర్ట్, నగరం సమీపంలో క్రాన్‌బోర్గ్ కాజిల్ (kronborg castle) ముఖ్యమైనవి. ఈ కాజివ్ అనేది ఒకప్పుడు షేక్‌స్పియర్ రాసిన హమ్లెట్ నాటకానికి నేపధ్యప్రదేశం.

2. బుడోల్ఫిచర్చి: జుట్‌లాండ్ ప్రాంతంలో 17వ శతాబ్దానికి ఆల్‌బోర్ఘ్‌స్ కాజిల్ (Aalborghus castle) 14వ శతాబ్ధానికి  చెందిన బుడోల్ఫిచర్చి (Budolfi church), అలాగే గ్రామీణ మ్యూజియం చూడదగినవి. వీటితోపాటు బిల్లుండ్ విమానాశ్రయం, చెక్కతో చేసిన ఇళ్ళు ఉన్న ఎబెల్ టోఫ్ట్ (Ebeltoft) గ్రామం, మోర్స్‌ద్వీపంలో జెస్ఫెరస్ పూల ఉద్యానవనం చూడదగ్గవి.

3. దక్షిణ భాగపు సీ లాండ్: (South Sealand)
 డెన్మార్క్ దేశానికి వచ్చే యాత్రీకులు తప్పనిసరిగా చూసేది దేశపు దక్షిణ భాగంలో ఉన్న సీలాండ్. అలాగే దీని చుట్టూ ఉన్న  అనేక ద్వీపాలు. ఇసుక బీచ్‌లు. లిసెలుడ్‌పార్కు, మొనదేలిన పర్వతాగ్రాలు ఇక్కడే దర్శనమిస్తాయి.

Tags (టాగ్లు) : డెన్మార్క్ దేశం, కూలిపనులు, ప్రపంచ వీక్షణం, యునిటరీ పార్లమెంటరీ కాన్‌స్టిట్యూషనల్ మొనార్చి, కోపెన్‌హగన్, Denmark Country, Wage Tasks, World-view, unitary parliamentary constitutional monarchy, kopenhagen

Learn More

The Country Of Islands _ DENMARK (In English)